Comments are closed.
大少大哥哥
September 28th, 2009
自從大少升左上低班之後
開始要寫字
之前都係填色貼貼紙畫線
而家開始學執筆寫字了
頭兩星期佢都好唔習慣
第一係放左咁耐假
雖然返學開心
但一時間要佢習慣返學校生活係有少少難度o既
再加上要學寫字
又未識控制枝筆
又係辛苦少少
不過過左頭兩星期
佢開始習慣要每日寫字了
而上星期有日o係Jusco見到同學皓兒
知道原來同學仔可以下午自己做好功課
夜晚等媽媽返屋企睇左簽名
上星期四開始佢又真係做得到喎
我先發現有D野
我無expect佢做到的
原來佢都可以做到
其實令到大少可以自己做好功課o既動力
係等我地放工返去佢就可以睇戲、打機、或者一齊玩遊戲
老師之前同我講
佢o係學校做功課時
會好快就嗲老師睇住佢
今日同老師講起
佢話大少今日好叻仔
到做功課時
佢問老師做邊一度
老師反問佢：你話呢？
然後佢就自己打開本功課黎做
好快乖乖咁做好先舉手話俾老師知
老師仲讚佢叻同請左佢食糖添