Comments are closed.
動物溝通初體驗
August 31st, 2009
尋日同表妹嘉賢一齊參加左Rosina老師的Level 1 Animal Communication workshop (Part 1)
原本一班八個人，到最後竟然變成五個 (無奈… )
一開始 Rosina 要我地記住
當你同人講你識同動物溝通
就要預左有人會因此而攻擊你
所以我地要認清楚呢個世上有80%虐待動物個案係來自將動物變成食物o既工業
而另外越黎越多o既係寵物繁殖場
其次係animal testing 同埋我地日常聽到o既虐待動物個案
Rosina 話唔係要我地改變自己o既飲食習慣
不過我地要知道呢D殘酷o既事實
因為如果有人要攻擊你
你都知道有呢D事
仲有就係
我地同動物溝通時
一定要記住動物同我地睇野同諗野o既方式會唔同
例如狗狗偷野食主人會覺得佢唔乖
但其實對狗狗黎講，主人都係咁o係檯拎野食，點解我唔得？
同埋動物都有唔同性格同情緒
同我地係一樣的
起初開始試o既時候
其實我都唔知我心裡面已經接收到答案
係老師提我我先如夢初醒
其實同自己o既寵物溝通真係比較難架
我都唔知究竟係自己想像出黎
定係我真係接收到
反而同唔識o既動物溝通
可以中立D
就可以做得比較有信心
我到而家都仲係對自己信心唔夠
唔多肯定自己係估到、想像到、定係做到…
同埋未做到成日鼓勵自己
究竟點樣我先可以打開個心呢？
尋晚返到屋企真係好累
今日返去要開始做練習同做功課了
仲有就係要諗問題俾同學們去練習
講左咁耐，大家應該好好奇
究竟我問左毛毛D咩野
不過呢…
Rosina話唔好將動物溝通o既個案
post o係公開o既 blog, facebook 等
正如你都唔想醫生將你D病歷post出黎
但自己D寵物又點呢？
em…. 我諗我要問過毛毛先喎
Rosina要我地將我地問過o既問題
統計一下答案係圖像、感覺、對話、氣味 定係 片段
我自己就將我問過的問題list左出黎了
亦寫低一個log
暫時試過的大部份都係短短o既片段
有一次係感覺
希望練習多D
有一日我可以好順暢咁同到毛毛花生對話啦！
6 Responses to “動物溝通初體驗”
is it interesting to learn?
heard about this from edmond poon terror hotline
will learn to mud level?
expensive ma?
好好玩，Rosina老師教的有 Level 1, 2 同3
Level 1 有兩堂，一堂6個鐘 $2700
Level 2 有一堂，一堂6個鐘 $2500
Level 3 一年舉辦一次，兩日的 $5800
詳情可以睇老師個blog:
http://rosina.wordpress.com/
上堂老師講英文，有廣東話翻譯
貴就唔算貴，真係學到好多野，只要你信，就應該無問題，會學到野
巧玄 XD
想不到你都上動物堂, 我都好有興趣!!
WORK嗎? 你D貓貓明白你講D咩嗎? 我好想同仔仔傾心事AR!
屎：
都唔係好玄姐~ XDD
J匙：
其實，老師話每個人都應該識
因為我練得未到家，所以對自己信心未夠。我相信練習同信心係關鍵
想試下嗎？你都去上下啦~
我知d堂好貴, 不如我俾我家仔仔你做實習，你幫我問下佢做咩成日吠ar..thx!